Tamettut att d agren-nnegh akkas!
Degga ad-irekkeh gher usun-nnes d tameddit ur att-yufi cca yessehza s qli n unbubbes d
ughucci, amedwal ak iferseg d ajqaw d imdewwek.
Seg wass-ayyi, ur sâeddayegh aked i tqiyart ad d-tadef asun-inu…D…Aghella-nnes ur yessin
matta ay yenna! Netta yessen at ay yenna d tutlayt ur iqadi cc ad yessiwel iss bzayda yemma-s
tella.
Layenni att tukez ca yemma-s tawehdit yehlan matta at-yessemduqqesen, d matta seg uzgam-aya
icelfen yessebhar, att ur tukiz aked qli; tghici-nnes teqqar sinni, achal att tessehlulluq gher-s s
tiwdi, aked nnetta ur yelli cca d agella, yezleg-d imentilen d ihejhajen, u ibelbec talya.
Emmek tmennaded amemmi-inu, ila ikenn iss-i, anetc mahegh gher wafer aniji;ur ttqewwamegh
ad beddegh negh ad refdegh yinezgam n usun s yiman-inu; ay-yedjin âennigh ttlaghigh-d yessi-s
n yinaragen ad ttewwzent id-i (tessusem u terni): Mda ay-yuca u Yakuc ameqqran taqiyart att
tessifsis fella masan…At yeffer tasfift-nnes, yeqqim yettakez timehwelt-nnes mani til werni n
uherrar-nnes.
Netc ur swangamegh deg urcal, ahen imexxwaden ssi-s ssecghaben-aya fella-s.U ad yeclef gher
tkamert-nnes; angu-nnes yiberberen ,yetteqqen werna-s tawwurt u ad yemmer di teghmert telles
d tsusmi…Ad d-yas uzghugh (awlaf)-nnes,ad yimara ad yennusttef ssi-s, ad yemâes tibedwett n
uselhay, ad tenned tesfift « I mamwi aya n tzusyi, uâad f waya n uncad;a tawehdit ayyirenni cc addellex. »
Tizwayin ttjijint di-s, yettetmayah ssekket n ukeccud ttqanacent tneffwa;nettat luqq-a tella s
yidini, d tarca-nnes ur d ma tennid aggway-nnes d tidett, arahh, att ur tuc âad ur tezwi cc… «
Imamwi aya n tzusyi, uâa-d f waya n uncad… ».
Ssi-s ahemmlegh WALID TUFIQ, welli cca n wuttug; att teâzem ay yuri di tezmamt-nnes att
tettnecnec, as-yessehlan titwelt-aya tawehdit ay yellan ilehhej fella-s. U iâad luqq-a d taqbuct, u
alawi-nnes deg uwliwel yineqqen, d tikelt tamezwarut ay yellan yennehmez di-s f uzway n
tqiyart seg usun, mennawet zdat-s ay yimaran ad mcanebdent d yefsilen n wazal d tsusmi-nnes,
layenni hafent udunt, da llant tizragett-nnsent tedrus fella-s nettat!
Hih, d tmizragt a tella, seg wani-s tufa axellas i wadaf n tizzagett-nnes yennezrin degga astessesken (tumel) tiwessifin, tennas: matta tennid?
Yennegres, u netta yettzayad aydin n tzusyi yeskufuxen. Att ad tqum ad d-tas d tamezwarut di
temsizzelt n tgellidt n tzusyi di tizzagett, imara ad yetter asayyi (takunt)-nnes d urbat, u netta
iweââa-s tiwessifin s tesmed.
-Ur ak-sayyint c ? !
-Mda llant d tadiwin ad djallegh aled ad smaglegh tict am tiziwt i umekti, ur iqum yiles-nnes;
ticli ad yesqirr belli yexs tict i umekti …yufa deg waydin afuhi n tgamitt, negh amm-idin ay yella
yimennad, layenni tukez c ay yettenneden deg yexf-nnes ekw?
Tessers tiwessifin ddu n udlis yella nneg trudant, u tenna : Bud d-rekkhegh gher-sent laghna; a
gher-k ahent-sghersen imetcak…
-A tizragett-nnes (Yuf-itt d timeqdit d tawehdit, yesnimmer-itt labas.)
Yeqqen tawwurt yeclef, yerfed tiwessifin yeqqim yetteqqel yettzayad tzusyi-nnes yessecrahen;
werni aydin yerfed amru, yendeâ yettari…
Tella tesseglay ekw tasragt n yisengra-nnes u ad taf yettari negh d anedghas di truziwin d
uswingem-nnes dira had yerrebza gher-s tnecced-it f tmudri d usegmay negh tetter ssi-s ad syiferreh qli n tefyar tikerzatin ay yellan ur ahent-tukiz c ass degga as-yessigh allagh n tili tanijit n
DERWIC tuâa-s-h-d werni truziwin, u tenna: At d asefru imberber .yuca-s tinigin n yiniltan
n CCABBI asefru-nnes at ur yettwakaz c tella akk imir tettebbi aswingem tnecced-it f tefyar di
tayri ur ahent-tukiz c yella iweââa-s taweââit n umessan itnelmudt-nnes ssyaldira ur tessehzay
belli yerdel-as anezgum. Tella tbeddit-nnes aya tessentteâaray-itt tettmara id-s deg ughanas yidj.
-Teslid ca tamezwarut di tayri i (UmKeltum).
– Arahh.
-Ul yettechil deg uzusay…
– Arahh.
– Tayyi sligh-tt azawan-nnes yehla, d awehdi n wa sligh di tmudri-inu…
Ca n wass tewwi-d adlis tenna-s u nettat tettgemmer gher tira: âzem tayyi…yeâzem s wawal d
anedlay “tamettut att ad tesâedda iwa ay yifuhen id-s layenni ur tesâedday c quh iwa ur attyimennaden c….”
Tetlessen tenna: Tukzed c aya n tutlayt?
Iâin amru-nnes imara ad yari qli n thejhijin ay yesnemderen aswingem-nnes ur iqum att
tegahez-it deg wansa-nnes tedreâ-it s wa as-yuca u Yakuc ameqqran n tzellight n twetmi adusnnes at ur yuc ibeltegh tirawin d…Yesfuh-ay-ihen… tarca-nnes ur âad dayyi ur tezwi cc…Ur
yessegli cc, degga tettwafdek tewwurt itaweg-d wudem-nnes yesfaw ighedwan n tkamet yellsen.
-Ur âad dayyi.
-Gher waya n tizi tzefred tamettut.
Ur yufi ayes a had yidaha f yiman-nnes yerzu f wawalen ad yuâa yissen fella-s izekker-it wannaz
tukez-it belli di tbeddit iheryed, i waydin texs ad s-terni mmek tennum tettegg- aheryed.
-Anetc, lligh deg uradab, sligh ekw amexxwad…Ikenn gher-s imara ad as-tesâedda…
-Tthettefegh ad terlid, ay-tesâeddid…anetc ur tmehwilegh aked qli…
Tâin yigherden-nnes, tetteckukkul, u tenna:
-Anetc adetca ad kkregh…lesnuzgum c…tugur ekw tghawsa trekkeh d anuzzer deg yezri-nnes,
ihis deg yebriden, irekkeh-d, tus-ih-d werni n tinides.
-Tetriyesed ca luqq-a…
Yetlessen ihajel ixf-nnes min had yessiwel.
Nettat, tukez belli at ur yelli cca f wammek yehla.
-Matta tâezzmed…
-Timekkaz n Lxiyam ay yellan ssi-sent ay yelmed Rami Tafarisit. U yessehla arfad-nnsent,
yessezwi-hent usenbati, tnegg-ihent temghart, timehwelt-inu Um Keltum…temnaded c amunes
n yiqerdalen, matta ad d-yutc.
Ay-d-tqaltid c s uferreh qli n tfira-nnes; slgh-hent, layenni drus a ukzegh…
-Att d takrezt n usefru d timqeddeht, tettwessef anzazen deg yiman n Lxiyam…
Tkaka-d gher-s nezzeh aldeggani da mmendadent tfekkiwin-nnsen, udunt tkuzzyin seg uzawnnes f wudem…yessizid takreft-nnes tawehdit, aghella n wa ay yijij imara ad tt-yidemmer s
usayes, yenqems d tiwdi seg uheryed-nnes, ihaf ittewwel deg uferreh n tfira, akk imir u ad ttesgiyeb gher tifert, yettegg ay yellan di tbarawt-nnes ad ttyessemmernu, ssyaled ad as-tini anetc
semmernugh luqq-a, di tikkwal teyyid tella tfussett-nnes talessast, dira had telqef tesheryad-it
yetterbit u ah-d-tnucc tidi.
Ad iâin gher-s yixf-nnes u ad tetlessen… ad irekkeh gher uferreh min atlessen (azmummeg).
Werni n usemdi n uferreh n tmekkaz terg u temmedran-d deg ufus-nnes adlis d ameqqersu
tendee tdess u tenna:
-Wayyi d adlis n tigert (ila) n yimuzunen, yuma ass-ayyi ad ssnegh annaz-nnek.
– Aya d axedjif, tesseglayed gher-m tademmawt iss…suit
Layenni texs ad tessettu…Tefdek adlis f tesna…u tenna (eqqen tittawin-nnek luqq-a).
Tessiden seg yidj gher mraw, tetter ssi-s ad yessers dad-nnes f tesna n udlis, degga ay yeâreq
tenna-s: (rni) yessizid tirart yerni tikelt, degga ad t-temnad yedhes f yeswi,tettef-as fus ak
yessezza s uzghal yettemzughghud di tfekka-nnes, yers udad-nnes f unnaz n (âetman) tella tira
ur tettulawan c, ur tqum c ad tâezem annaz-nnes…
-Temnaded c ur gher-i cc umur aked di tigert…
-Lettezdarat c…luqq-a ad tezred annaz-inu…
Tettef adlis seg ughir, u netta seg ughir-inn, qqimen di tiggatt-dinn, degga teqqen tittawin-nnes
iqum, i tikelt tamezwarut, ad yeqqel gher wudem-nnes anegri (ifawen) min afrirres negh d
يتبع…arbat.
